लेखा, कर्जा तथा जोखिम ब्यवस्थापन तालिम सम्पन्न

समाज

गृहपृष्ठ
समाज
लेखा, कर्जा तथा जोखिम ब्यवस्थापन तालिम सम्पन्न

लेखा, कर्जा तथा जोखिम ब्यवस्थापन तालिम सम्पन्न

बिहीबार, असार ७, २०८० नेपाली हामी

तालिम पश्चात संस्थाको प्रधान कार्यालयमा संयुक्त फोटोमा सहभागि प्रशिक्षक तथा सहभागिहरु

सर्लाही, असार ०७ । चमेली बचत तथा ऋण सहकारी संस्था लिमिटेड ईश्वरपुर सर्लाहीले आफ्ना कर्मचारीहरुलाई लेखा, कर्जा तथा जोखिम ब्यवस्थापन सम्बन्धि दुईदिने तालिम प्रदान गरेको छ । आरएमडिसी लघुवित्त वित्तिय संस्था लि. काठमाण्डौंको सहयोगमा २० जना कर्मचारीलाई तालिम प्रदान गरेको हो ।
संस्थाका प्रमुख कार्यकारी अधिकृत भरत साहले सहकारीमा प्रमुख रुपमा लेखा, कर्जा तथा जोखिम ब्यवस्थापन नै रहेकाले यसलाई सफल अवतरण गराउन सकेमात्र सहकारी संस्थाको अवस्था जोगिने बताउदै आफ्ना कर्मचारीले सफलतापुर्वक तालिम सम्पन्न गरेको र यसलाई उच्च मनोवलका साथ सहज कार्यमा समेत लागु गर्ने विश्वास रहेको दावी गरे । कर्जा तथा प्रशासन प्रमुख संजिव कुमार साह र अनुगमन सहायक जनक केसीद्धारा संयोजन गरिएको तालिममा राष्ट्रिय सहकारी बैक हरिवन शाखाका प्रमुख नारायण लामिछाने र संस्थाका प्रमुख कार्यकारी अधिकृत भरत साहले प्रशिक्षण प्रदान गरेका थिए ।
संस्थाका संचालक चन्दा चौधरीको अध्यक्षता एवं मलंगवा नगरपालिका वडा नं. ९ का अध्यक्ष चन्देश्वर राय यादवको प्रमुख अतित्थ्यमा मलंगवा स्थित सुजता होटलमा तालिम संचालन भएको थियो । यसअघि समेत संस्थाले कर्मचारी, विद्यार्थी तथा शेयर सदस्यहरुलाई विभिन्न शिपमुलक तालिम प्रदान गरेको थियो ।
सर्लाही जिल्लाभर कार्यक्षेत्र रहेको संस्थाको एक प्रधान कार्यालय (ईश्वरपुर) र बरहथवा, मलंगवा, पर्सा, बयलबास र गोडैता सेवाकेन्द गरेर ५ वटा सदस्य सेवाकेन्द्रमा गरेर संस्थाको १० हजारमाथि सदस्य रहेका छन् भने अधिक रुपमा महिला सदस्यहरु रहेका छन् ।

प्रकाशित मिति: बिहीबार, असार ७, २०८० १४:०१

प्रतिक्रिया दिनुहोस्