प्रचण्ड–माधव समूहको शक्ति प्रदर्शन (फोटो फिचर)

राजनीति

Home
राजनीति
प्रचण्ड–माधव समूहको शक्ति प्रदर्शन (फोटो फिचर)

प्रचण्ड–माधव समूहको शक्ति प्रदर्शन (फोटो फिचर)

प्रचण्ड–माधव समूहको शक्ति प्रदर्शन

बुधवार, माघ २८, २०७७ नेपाली हामी

ललितपुर, २८ माघ । प्रतिनिधिसभा विघटनविरुद्ध आन्दोलनरत दाहाल–नेपाल नेतृत्वको नेकपाले बुधबार काठमाडौंमा विरोध प्रदर्शन गरेको छ । आन्दोलनको दोस्रो चरणका कार्यक्रम घोषणा गरेको नेकपाले विरोध जुलुससहित सभा आयोजना गर्दै छ ।

पार्टीले उपत्यकाका विभिन्न पाँच स्थानबाट जुलुस निकालेको छ । पुलचोक, त्रिपुरेश्वर, माइतीघर, केशरमहल, त्रिचन्द्र कलेजबाट निकालिएको जुलुसको नेतृत्व गर्न पार्टीले विभिन्न नेताहरूलाई कमान्डर तोकेको छ । सबैतिरका जुलुस भृकुटीपण्डप पुगी कोणसभामा परिणत भएको छ ।

दाहाल–नेपाल समूहले प्रतिगमनविरुद्ध सभामा सहभागी हुन जिल्ला–जिल्लाबाट मानिसहरू आएको जनाएको छ । पार्टीले सभामा दुई लाख मानिस उतार्ने दाबी गरेको छ ।

सभालाई पार्टी अध्यक्ष पुष्पकमल दाहाल, माधव नेपाललगायतले सम्बोधन गर्दै छन् । दाहालले फागुन पहिलो साताबाट अझ ठूलो आन्दोलन हुने बताउँदै आएका छन् । दाहाल–नेपाल समूहले यसअघि पनि काठमाडौंमा विरोधसभाका साथै देशव्यापी आमहडताल आयोजना गरिसकेको छ ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गत पुस ५ गते प्रतिनिधिसभा विघटनको घोषणा गरेकी थिइन् । उक्त कदमपछि नेकपा स्पष्ट रूपमा दुई चिरा भएको छ । प्रमुख प्रतिपक्ष कांग्रेसलगायत दल र नागरिक समाजले पनि सरकारको उक्त कदमको विरोध गर्दै आएका छन् ।